ఇది నా పాట కాదు! అన్నా హజారే మనసున దాగిన మాట..........

"ఊపిరే పోతుందన్నా నా కళ్ళల్లో బెదురేలేదు,
నా నీడ నన్నే విడినా నా పయనంలో మార్పేలేదు!
యీ దేశభద్రతకే మీ అధికారాన్ని ప్రశ్నిస్తున్నా.
వెనుతిరగని పోరాటానికి శంఖారావం పూరిస్తున్నాను.   ||ఊపిరే పోతుందన్నా||


కలలెపుడూ కల్లలు కావు,
ప్రజలే నా వెంటేవుంటే.
ప్రజాస్వామ్య మంటే నేను,
పాతర్ధాన్నే చెబుతున్నాను.
మా లక్ష్యం సేవే అంటె నమ్మేటందుకు ఎవరూ లేరు!
మీ పద్దతి మారకపోతే పోరాటం లో మార్పేలేదూ.........  ||ఊపిరే పోతుందన్నా||


సిగ్గంటూ లేనేలేని,
నీతిమాలిన నేతలు మీరు.
నా పద్దతి మారాలంటూ,
ఎన్నాళ్ళని ఇక శాసిస్తారు?
ఇన్నాళ్ళ నా జీవితమంతా సమాజ సేవకు కేటాయించా,
ఇక ముందు దేశం కోసం ప్రాణాన్నైనా అర్పిస్తా నేను!   ||ఊపిరే పోతుందన్నా||"