Wednesday, August 24, 2011
"కొంటెతనం కోరలు చాచి ఆడతనాన్ని అల్లరి చేస్తే,
అమ్మతనం ఆవేదన పడదా!
నీ తల్లి సిగ్గు పడదా!
ఆడదీ ఓ మనిషే!
తనదీ మనలాంటి మనసే!
తాతలనాటి కట్టుబాట్లు,
అమ్మమ్మల చీవాట్లు,
ఆడపిల్లల్ని తమ ఇళ్ళలోనే బందీలుగా చేస్తే!
ఆ ఇంటి ముంగిళి దాటి వచ్చి,
ఈ ప్రపంచాన్ని పరవశంతో చూడటమే నేరమైపోతుంది!
మానవత్వం నటిస్తూ...
మన మధ్యనే తిరిగే,
మనుషుల్ని నమ్మటమే పాపమైపోతుంది!
ఉగ్గుపాలను పోసి,
ఊసులే చెప్పి,
కంటి రెప్పల్లే కాచి,
కనుపాపలా చూచి,
ఇన్నేళ్ళూ పెంచిన మాతృమూర్తి గుండెకోతను,
ఎవరు మాణ్పగలరు?
అడిగింది కాదనక,
అల్లారు ముద్దుగా...
తన గుండెల్లో దాచుకున్న,
ఆ కన్నతండ్రి శోకాన్ని ఎవరాపగలరు?
ఈ గాయాలిక జ్ఞాపకాలై పోవాలి!
ఇలాంటి మానవ మృగాలను శిక్షించటానికి,
నేను నమ్మిన దేవుడు కాలరుద్రుడై రావాలి!"
Subscribe to:
Post Comments (Atom)
1 comments:
Jagannadha Rao: simpy gud
Post a Comment