జ్ఞాపకాల రాశులు

గతాన్ని త్రవ్వి చూసా...
జ్ఞాపకాల రాశులు బయటపడ్డాయి.
బాల్యం తప్పటడుగుల గురుతులు ఒకప్రక్క,
యవ్వనం తొలినాళ్ళ పులకింత ఓ ప్రక్క,
నాకోసం అమ్మపడిన కష్టమోప్రక్క,
నాన్న ఆలోచనల అంతరంగమోప్రక్క,
తొలిసారి నను ఆకర్షించిన చిరునవ్వులోప్రక్క,
స్నేహం పంచిన ఆప్యాయతోప్రక్క,
దూరమైన స్నేహితుల పిల్లుపులోప్రక్క,
నానుండి దూరమైన ప్రేమ పలకరింపులోప్రక్క,
తొలిసారి నీ నోటి నుండి జాలువారిన పలుకులోప్రక్క,
ఆ మాటలనే తలుచుకుంటూ గడిపిన తలపులోప్రక్క...


తప్పుచేసా......
గతాన్ని త్రవ్వి తప్పుచేసా...
క్షణాలు గడుస్తూ వుంటే,
గతం ఊబిలోకి కూరుకుపోతున్నా...
ఎంత ప్రయత్నించినా ప్రస్తుతానికి రాలేకపోతున్నా.....

"తొలిచూపు...."

"తొలిచూపులోనే నా మనసు నీవై,
 పలికించినావే ప ద ని స ల రాగం.
 తెల్లవారింది మొదలు చుక్కలు పొడిచేదాక,
 అయ్యింది నిత్యం నీదే ధ్యానం.
 మాటి మాటికి నీవు మాటలాడుతుంటావు,
 కనులు తెరిచే సరికి కలవైపోతావు.
 ఆకాశంలో తారలా!
 అందమైన ప్రకృతిలా!
 ఆరుబైట వెన్నెలలా!
 అనంతసాగర కెరటంలా!  
 ఊహకందని రూపం నీది,
 చెప్పనలవి కాని అందం నీది. 
 ఇలా....
 ఎంత చెప్పినా తీరనిది ఈ నా మధురానుభూతి." 

"ప్రేమలో పడ్డాను...."

"మాటలాడ నీవు లేక మనసంతా బరువైతే...,

 మదిలోని భావాలను చాటుగానె వుంచుకుంటే,

 చక్కని నీ చిరునగవు,

 చెరగని ఆ చిరునవ్వు,

 చెంతచేరి ఇంకా నను చదరుమదురు చేస్తుంటే...

 ఏమని చెప్పను? ఎలా చెప్పను?

 హృదయంలో అనునిత్యం వేచ్చని నీ పవనాలే,

 తాడలేక నీకొసం పరితపించి పోతుంటే,

 ఏమని చెప్పను? ఎలా చెప్పను?

 మెరుపల్లే కనిపిస్తూ,ప్రతి క్షణం మురిపిస్తూ..

 మువ్వవై నా మదిని తట్టి,మత్తువై నను నిద్రపుచ్చి,

 నీవు చేసే ఇంద్రజాలాన్ని గూర్చి,

 ఏమని చెప్పను? ఎలా చెప్పను?

 ఇలా,

 ప్రతిక్షణం ప్రతి నిముషం వెంటాడే భావనలే,

 ఆ భావాలే ఆవిరై మేఘాలుగ మారిపోని,

 నిను చేరిన వెనువెంటనే చినుకులుగా రాలిపోని,

 ఆ..చినుకులలో ఇమిడివున్న భావాన్ని చదివి చూడు,

 నీకోసం పరితపించు హృదయాన్ని తెరచిచూడు."    

                                           

"అభిమానం....."

 "అభిమానానికి లేవే హద్దులు,
 ఆకలి దప్పుల మాటిక ఏల?
 గుండెల నిండా నిండిన ప్రేమకు,
 అమృతమైనా దిగదుపేకదా.........? "

నా ...కవిత

‎"ఈ కవితల పూదోటలో నా కవితా ఓ పువై పరిమలాలు వెదజలే లా చేసి,

ఆ పరిమలాల పరవశాన్ని మీతో పన్చుకునేందు ఇదే నా వేధిక..............."