Monday, September 26, 2011

ఏమైంది?




నిన్నే చూసి మనసంది...
నీలా నువు లేనే లేవు ఏమైందీ?
నీకై నీవు ప్రశ్నయితే...
ఎలా? మది ముంచేస్తుందీ.. వరదై!


కష్టాలు కన్నీళ్ళన్నీ కమ్ముకున్న వేళ!
నీ మనసే ఓదార్పల్లే మారుతుంది చూడు..
చెంపల్ని తాకుకుంటు కారేటి కన్నీళ్ళు!
చిరుగాలి తాకగానే తొనికిసలాడు.


నిశిలోన నిలబడి వుంటే వెలుగులు రావు!
మినుగురులా  నీకైనీవు వెలుగుతు నిశినే దూరంగా పంపు..  ||నిన్నే చూసి||


కన్నీరు సంద్రంలాగ నిన్ను చేరు వేళ!
తీరంలా సంద్రానికి హద్దుగీసి చూడు.
లోకంలో కష్టాలంటూ లేనివారు ఎవరు?
నీకొచ్చిన కష్టం చూస్తే చీమకన్న చిన్నది!


బాధల్ని మోస్తూవుంటే... బరువై నిన్ను కూల్చుతుంది!
ధైర్యంగా ఒడుపుగ పట్టి గిరగిర త్రిప్పి దూరంగా విసురు..


ఓహో............ లా లా ల ల లల్లలాలె 
ఓహో.........
ఈ చిన్ని జీవితాన్ని అందంగా నువు మలుచుకొని...
అందరితో చేతులుకలిపి చిరునవ్వులతో ముందుకు సాగిపో ....   ||నిన్నే చూసి||