Thursday, August 11, 2011
"ఆగని పోరాటానికి దక్కిన విజయం ఈ స్వాతంత్ర్యం.
భారతదేశపు అణచివేతలో పెల్లుబికినదే యీ స్వాతంత్ర్యం.
దేశ ప్రజల చిరునవ్వుల కోసం,
గాంధి చూపిన తెగువకు చెబుదాం......
సలాం సలాం.... .... మీకు సలాం సలాం!
మంచితనంపై అధికారంతో,
జనులను బానిసలుగ చేసి.
మా సంపదనే మీ సొత్తంటూ దేశాన్నే లూటీ చేసి,
సాగించిన అరాచకాలపై,
పొందిన విజయం యా స్వాతంత్ర్యం.
రక్తపుటేరులపై నడుస్తూ,
సాధించినదే యీ... స్వాతంత్ర్యం.
..............................
యీ పోరాటంలో అసువులుబాసిన ,
ప్రతిఒక్కరికీ చెబుదాం మనసున,
సలాం సలాం.......మీకు సలాం సలాం!
స్వాతంత్ర్యం నా జన్మహక్కనే లక్ష్యాలెన్నో చూసాము,
చావుకు కూడా రొమ్ములు విరిచిన ధీరశాలులను చూసాము,
ఇందరి ప్రాణాలర్పణ చేసి,
ఇచ్చినదేగా యీ స్వాతంత్ర్యం.
దేశంకోసం బెదరని పోరును,
సలపిన వీరులదీ.. స్వాతంత్ర్యం.
...................................
ఆ గుండెలనిండా దేశం స్వేచ్చను,
నింపుకున్న ప్రతిగుండెకు చెబుదాం.
సలాం సలాం..... మీకు సలాం సలాం!"
Subscribe to:
Post Comments (Atom)
0 comments:
Post a Comment