"మనమిద్దరం పాడుదాం ఈ పాటని!"

పల్లవై మారెగా.. నీ పలుకులే,
చరణమై చేరుతా వెనువెంటనె..
మనమిద్దరం పాడుదాం ఈ పాటని.
మన మనసుతో కూర్చుదాం సరిగమలని...   ||పల్లవై మారెగా||


తొలి చరణంలో చేర్చుదాము!
ఒక కలలాగ సాగిన పరిచయాన్ని.
ఆ పరిచయాన ఒకటల్లే మారిన,
మనసులు చెప్పిన మధుర భావనని. 
అంతులేని ఆ  సంతోషాలను,
ఏర్చి కూర్చి ఇక ఆపుదామిలా....         ||పల్లవై మారెగా||


మలి చరణంలో పొదుగుదాము,
మన ప్రేమలొ విరిసిన పరిమళాలను,
ఆ పరిమళాలతో కలసి ఇంతలా,
గుభాలించిన హృదయ స్పందనని.
మన తనువులు ఒకటై చేసిన,
అల్లరితోటి ముగింపునిచ్చేద్దాం చిరు సిగ్గుతో...   ||పల్లవై మారెగా||